Radio nimérik po dann pa lontan.
Nana
sak i atann sanm inpasyans larivé de so nouvo forma po radyo. Nana sak i
vé pa pars zot nora pa asé moyin po
zéré ( déza bann radyo asosiativ Larényon i komans kriyé, na in bonpé lé
sir i sava giny lo kou pa asé moyin finans, é pa bonpé boug kalifiyé po tavay
si so tip média " épi bann boug, lé kalifiyé si sava pa travay po in kontra
lamizèr sa lé sir").
Kosa ilé so sistinm difizyon? Aparaman
sa lé bazé si lo sistinm konprésyon i itiliz téknolozi Mpg4,(sora
itilizé osi po TNT dann pa
lontan dann nout péi, mé kan? dopi lo tan ni atann), so téknik i nétway tout
sinyal, ké nout zorèy i antan pa, i rann sa pir é san parazit.
Sé in sistinm i pèrmèt giny in kalité lo son parèy in CD po lamizik, so sistinm
na plizir é minm in takon lavantaz, ou pé tansport bann fisiyé data,
konm bann posèt lo santèr é in takon dot zinformasyon, titr, tousala tout
sorkalité zinformasyon.
Sé lo syistnm dé konprésyon, mi diré Mp3 po
vidéo. Lo sé konm an télésarzman, lo bann doné lé kodé par paké é
miltipléxé po la difizyon si radio.
.
Sanm
in sèl émétèr, na pliziyèr radio i pé difizé konm par satélit sou
form de bouké, sanm in débi i pé alé ziska pré de 2 mégabit par sekond.
So sistinm lé plis avantazé par rapor la Fm, ousa i tiliz in takon frékans,
po Larénion in radio o liyé tiliz 17 frékans, poura itilizé inn ou dé po
kouv tout lil.
Po mwin ki itiliz lo forma Mpg4 po difiz bann ti program si bann platform
vidéo, li rédwi in bonpé lo pwa bann vidéo, po in kalité lé gayar,
épila, sé la plas anplis po lo disk dir.
La teknolozi Mpg1 ou Mpg2 lé ansèrvi osi
Rédasyon SOUBOU GEORGES
T-DMB
In sort klone DAB sé: Terrestrial Digital Multimedia Broadcasting
Lo forma i ansèv po anvoy é difiz vidéo an forma Mpeg-4 an plis lo son.
Sèrtin péi i ansèr po télé nimérik déza.
Tout fason inkiyèt pa:
Bann posT-DMB sra pa
konpatibl sanm lo RDS é i poura pa alé défason otomatik
si in stasyon analozik (parkont lo DAB+ noré fé sa). Tout
konm i di lé in kèstyon de biznès sé
ké noré pèrmi bann gran group may anndan po kapar lo
bann marsé é èt partou
si tou lo bann rézo.
Lo DAB+: Lé kapab awar plis de sinn, dann in miltiplesk antr 14 kont 5. Lo
T-DMB po in kalité parèy. Po sa fo i ansèrv in ankodèr vidéo, vi o débit
pé prévi po la télévizyon mobil, malgré ké lo bann propriyétèr radio, la
pa anvi difiz vidéo.
Po so nafèr la tout lé osi in kèstyon de band pasant,
si i mèt in ankodèr, sa i konsonm la band, i dimini lo kantité sinn ou sinonsa
la kalité( na ka war si lo web kan napwin bann pasant tout i rame.
Rout tamarin : Bann sorti....
Dopi son louvèrtir aparamanna
pwin problinm po fé la rout si in long distans. In not travay i rèst a fèr po bann kondiktèr
loto. I bous lo bann zantré po rantr dann lavil, a fézan in ta lanboutéyaz.
La plipar i profèr prann ankor bann ti rout nasyonal, par léba, malgré
lo 4 wa lé kibr, po fé lo minm trazé?
Nou rankont sa dann Sin-Pir si la
rout la balan, po sat i sort sin-lwi i bifirk par so rout, la plipar
lotan sé po alé dirèk si la vil.
Sa i fé ké lo ronpwin Cadjee lé bloké dopi
pli lwin la pwint lo diab, é sa toulézour. Po sak i vé alé si
lo boulvar, mi rapèl na dé rantré (dé ronpwin,
sat koté kaltèk lé vid alor si inpé i pasré
parla, i dégazré lo ropmiyé larzman.